من قلب ينبض

المشرف العام

من قلب ينبض

من قلب ينبض غلا ومن روح مسئوله
ما أبالغ إن قلت لك أني إلين الـحين
كل ما أشوفك تصد عيوني مذهولــه
من كبر حبك في قلبي وخاطري والعين
أي حب هذا الذي إن قال وأقـولــه
ما آدري أحيد بقلبي أو الله يعـيـن
معقوله كل هالغلا يا ربي معـقولـه
بعدين يعـني مـعك يا مهجتـي بعدين

ما تـدري أنك في قلبي و منسكب حولـه
ومن كثرك في صدري خايف لا تجيني عين
وإن قالوا اطلب تمنى شـيء وتـنولـه
بتمنى حبكـ كثـر مالله عطاني سنيـن
أي حـب هذا اللذي إن قال وأقولــه
ما أدري أحـيد بقلبي أو الله يـعيـن
معقوله كل هالغلا يا ربي معـقولـه
بعدين يعني معك يا مهجتي بعديـن

وش أبغى أكثر يا ذوق القلب وميولـه
وأكبر هديه في عمري عندي هالشيئين
مكانك اللي في قلبي ما أحدن يطولـه
وقدرك عندك عساني ما خلا آمـيـن
أي حب هذا اللذي إن قـال وأقـولـه
ما آدري أحـيد بقلـبي أو الله يعيـن
معقولـه كل هالغـلا يا ربي معقوله
بعدين يعني معك يا مهجتي بعديـن